Pajhuam Kev Hlub

Subject: Pajhuam Kev Hlub Tue Apr 16, 2013 8:37 am

Ntuj thaum ub muaj koj nrog kuv
sijhawm luv thaum wb ob leeg
yeej tsis nkees tsis hnov tshaib li
tham luag ntxhi wb tuav tes rawv
hauv lub plawv xav ntsoov kev hlub
tsis siab dub ob leeg sib pab
sib tuav npab taug kev yuj yees
yeej tsis nkees txhua hnub txhua hmo
txoj kev nco kev hlub kev tshua
wb muaj txhua tsis nco leej twg
tej phoojywg pom wb zoo tshaj
lub ntuj kaj nyob nrog wb nraim
tsis xav ncaim nyob ua ke rawv
thaum pw sawv tsis hnov plab tshaib
kuv me naib koj puas tseem nco
txog tej no li kuv nco koj
mov tsis noj vim nco koj dhau
thiaj tuaj taug wb tej hneev taw
ncig tej chaw seb puas hnov ntxhiab
hnub tuaj ziab yeej tsis hnov kub
tus kuv hlub kuv nco koj heev
thiaj tuaj seev nyob ntawm no tos
thov rov los wb mam pib dua
kuv mam ua tus koj hlub xwb
kom koj wb nyob mus ib txhis
koom ib yig mus tag tiam no mog.

Nco koj os, me hlub, I love you

Admin Posts : 272 Join date : 2013-02-06

Wow, koj cov lus sib dho zoo kawg lawmma, kuv sau tsi tau ces cia kuv reply ua tsaug rau koj xwb os.

Admin Posts : 27 Join date : 2013-02-27

Nkaujzoo aw, koj zaj paj huam zoo ua luaj li kuv thov nqa mus nrog kuv nyob lawm nawb.

Subject: Re: Pajhuam Kev Hlub Wed Apr 17, 2013 8:47 am

Nyobzoo Tubzoonraug thiab Caumcuagkoj

Kuv ces twb tsis txawj li lam tau lam sau uasi xwb es ua tsaug ntau rau neb cov lus txhawb zog kom kuv ho siv zog kawm thiab.

Zoo siab ntsib neb hauv no, tuaj peb kawm sau pajhuam uasi nawd.

Subject: Re: Pajhuam Kev Hlub Wed Apr 17, 2013 8:48 am

Me nraug Hmoob tus neeg dai siab
Tawm ntuj tshiab koj dua twg lawm
Tsis pom tawm thiaj li nug moo
Puas nyob zoo li yav tag los
Puas tseem tos tus neeg li kuv
Cas tsis thuv tsis hnov moo li
Tsis pom ncig kuv thiaj nug moo
Yog nyob zoo thov ho qhia thiab
Kom kuv siab thiaj li tsis ntxhov
Thov xa xov qhia rau kuv paub
Thiaj tsis saub tuaj nrhiav koj mog
Txawm tsis nco los qhia ib los
Kom txhob tos rau tej chaw qub
Yav thaum ub wb tau ua ke
Tau taug kev tham luag ntxhwb ntxhi
Tuaj ua si sib tuav tes rawv
Saib dej ntxhawv rau dej tsaws tsag
Wb tau hla da dej ua si
Tham lus ntxhi ntawm koj xub ntiag
Zoo tiag tiag wb txoj kev hlub
Hmoob leej tub tus neeg kuv nco
Cas tsam no koj tsis nco lawm
Koj tsis tawm tuaj qhia kuv paub
Cia kuv saub nrhiav koj tag li
Ntuj tsaus nti tsis pom qhov twg
Me phoojywg txhob nkaum li ko
Qhia kuv tso seb vim licas
Koj thiaj ras tsis nug kuv moo

Admin Posts : 272 Join date : 2013-02-06

Ua tsaug rau neb 2 leeg os. Kuv tuaj saib neb sau paj huam vim kuv sau tsi muaj lub ntsiab li es kuv tuaj nyeem neb li xwb os.

Subject: Re: Pajhuam Kev Hlub Thu Apr 18, 2013 8:55 am

Tubzoonraug tus me neeg zoo
Cas yuav nroo hais tias tsis txawj
Es puam chawj mam li nyeem xwb
Koj kuv wb ces pauv tsis ntxiv
Hais lus tsiv los yog lus paj
Yeej tsis tshaj tsuas txawj ib yam
Tsuas lam tham yeej tsis muaj tiag
Sau tsis npliag vim nyuam qhuav kawm
Xav tsis tawm thiaj sau tsis raug
Tsis txhob qaug cia wb sib pab
Sib tuav npab mam taug kev mus
Mam sib pus taug ib txoj kev
Rub siab ntev los ua zoo kawm
Thaum xav tawm ces sau xwb tiag
Me cev yiag koj puas paub na
Sau kiag ma koj yeej txawj kawg, Smile

Guest

Zoo paj huam koom nrog peb. Uas yog zoo nkauj coj txawv txawv. Kuv yeej tsis hais tias hais tias yuav tau ua li cas thiab.

Admin Posts : 272 Join date : 2013-02-06

Zoo kawg ma EdilinC3, koj nyob deb heev li pua yog ne? e kuv xav hai tias koj tsi paub hai lus hmoob koj hai lus middle East xwb no.. es koj nyob puag Pakistan los yog qhov twg os? ua li ca nyob deb ua luaj li os tus phooj ywg..

Admin Posts : 272 Join date : 2013-02-06

» Sib Hlub Ib Thog Kev
» Kev sib hlub ntawm ob leeg